vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
QARABAĞ  
15:25 | 27 oktyabr 2014 | Bazar ertəsi Məqaləyə 1291 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Xahiş edirik vətəndaşınıza sahib çıxın»

Kəlbəcərli girovlarla bağlı Putinə müraciət edildi

MÖVZU İLƏ ƏLAQƏLİ

Bu gün ermənilər Xankəndidə Kəlbəcərdə öz ata-babalarının qəbirlərini ziyarət edərkən girov götürülmüş Dilqəm Əsgərov və Şahbaz Quliyevə qondarma məhkəmə prosesi qurublar.

Ermənistanın girov götürdüyü Dilqəm Əsgərov işğal olunmuş Kəlbəcərdə anadan olsa da, Rusiya vətəndaşıdır.

Demək Rusiya öz vətəndaşının hüquqlarını qorumalıdır.

Məsələ ilə bağlı QHT Şurası nəzdində fəaliyyət göstərən Media İşçi Qrupu Rusiya prezidenti Vladimir Putinə müraciət edib.

Vaxt.az müraciəti olduğu kimi təqdim edir:


«Rusiya Federasiyasının Prezidenti Cənab Vladimir Putinə

Hörmətli cənab Prezident!

Çağdaş zamanda dünyanın bir çox ölkələrinin əraziləri işğal edilir, günahsız insanların qanı axıdılır, əsir və girov götürülür

Daimi gərginlik mərkəzi olan bölgələrdən biri də Cənubi Qafqazdır

Regionda yerləşən Ermənistan öz silahlı qüvvələrinin birbaşa iştirakı ilə Azərbaycanın 20 faizini işğal edib, minlərlə azərbaycanlını qətlə yetirib, on minlərlə azərbaycanlı bu işğal nəticəsində öz doğma evlərindən ayrılıb, itkin düşüb, fiziki sağlamlığından məhrum olub, bir milyondan artıq insan köçkün olub..

Ermənistan işğalçılıq siyasətini bu gün də davam etdirir. Bunun nəticəsidir ki, 2014-cü ilin iyul ayında Azərbaycanın Ermənistan tərəfindən işğal olunmuş Kəlbəcər rayonuna - öz doğmalarının qəbirlərini ziyarətə getmiş 3 azərbaycanlıdan biri - Həsən Həsənov Ermənistan silahlı qüvvələri tərəfindən qətlə yetirilmiş, ikisi – Dilqəm Əsgərov və Şahbaz Quliyev isə girov götürülmüşdür Onların beynəlxalq konvensiyalarla təsbit olunmuş insan hüquqları kobud şəkildə pozulmuşdur.

Hörmətli cənab Prezident,

Girov görtürülən azərbaycanlılardan biri - Dilqəm Əsgərov Azərbaycanın Kəlbəcər rayonunda doğulsa da, Rusiya vətəndaşıdır. Rusiya Prezidenti kimi Siz öz vətəndaşlarınızın hüquqlarını hər zaman qorumusunuz və bu addımınız Dilqəm Əsgərovun yaxın zamanlarda girovluqdan azad edilməsində mühüm addımlar atacağınıza bizdə əminlik yaradır.

Sizə müraciət edərək öz doğma kəndində Ermənistan tərəfindən girov götürülən Rusiya vətəndaşı Dilqəm Əsgərovun, həmçinin onunla birlikdə girov götürülmüş Şahbaz Quliyevin azad edilməsinə kömək göstərməyinizi xahiş edirik.

Həm Rusiya Prezidenti, eyni zamanda ATƏT-in Minsk Qrupunun həmsədr ölkəsinin başçısı kimi nüfuzunuzdan istifadə edib bu müraciətə həssas yanaşacağınıza ümid edirik

Əvvəlcədən minnətdarlığımızı bildiririk».

QHT Şurası nəzdində Media-İşçi Qrupu