«ABŞ-a olar…»
Demokratiyanın beşiyi hər il 60 milyardlıq fırıldaqla yırğalanır
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
Bizim bəzi müxalif çevrələrinin ağsaqqallarından ikisi Devid Kramer və Riçard Kozlariç yenə ölkəmiz əleyhinə «gözlərini yumub, ağızlarını» açıblar. Onların nə dediyi vecimə də deyil. Çünki elə canıyanandırlarsa, əvvəlcə öz ölkələrində həbs olunan bloggerlərin, tənqidə və şikayətə görə işdən çıxarılan vətəndaşlarının qayğısına qalsınlar. ABŞ-da insan hüquqlarının pozulması ilə bağlı «Qərbli seyidlərin cəddinə arxayınçılıq» adlı məqaləmdə yazdığım üçün həmin məsələlərin üzərində dayanmaq istəmirəm. Bu dəfə başqalarını büdcə oğurluğunda, korrupsiyada günahlandıran, özünün quluna çevirmək istədiyi ölkələrdə belə məsələləri «üzə çıxarmaq» üçün ayrıca «araşdırıcı» jurnalist, QHT korpusu saxlayan ABŞ-dakı korrupsiya barədə bir-iki qeydimi bölüşmək istədim. Həvəsiniz olsa, özünüz də bundan qat-qat çox fakt əldə edə bilərsiniz...
…2013-cü ildə ABŞ səhiyyə sisteminin inkişafına xidmət edəcək
saytın ətrafında skandal yaşandı. Veb səhifənin qurulması və işləməsi üçün
müsabiqə elan olunan zaman həmin layihəyə 93.7 milyon dollar ayrıldığı
bildirilmişdi. Lakin nədənsə müsabiqə keçirilmədi və Prezident Barak Obamanın
xanımı Mişel Obamanın tələbə yoldaşı Toni Tauns-Uitlinin vitse-prezidenti
olduğu «CGL Group» layihəni uddu
(http://dailycaller.com/2013/10/25/michelle-obamas-princeton-classmate-is-executive-at-company-that-built-obamacare-website/).
Eyni zamanda, nəyə görəsə layihənin büdcəsi, heç bir izahat verilmədən
artırılaraq 700 000 000 dollara çatdırıldı. Niyə? Bu suala hələ də cavab
verilməyib. Sadəcə ötən ilin sonunda Prezident Obama veb-səhifənin yarıtmaz fəaliyyətinə
görə üzr istəyib. Bütün dünyada korrupsiyanın səviyyəsini ölçmək kimi müstəsna
hüquqa yiyələnmiş beynəlxalq qurumlar (əksəriyyətinin mərkəzi ofisləri
ABŞ-dadır) isə nədənsə bu korrupsiya faktına göz yumdular.
Ümumiyyətlə, ABŞ-ın səhiyyə və təhsil sahəsində maliyyə fırıldaqlarının illik həcmi 60 milyard dollar civarında qiymətləndirilir (http://www.washingtonpost.com/wp-dyn/content/article/2008/06/12/AR2008061203915.html).
Sözügedən məsələ zaman-zaman Birləşmiş Ştatlar cəmiyyətin media qurumları tərəfindən müzakirə mövzusu olur. Təkcə «Vaşinqton Post» qəzetində axtarış versəniz, sözügedən məsələ ilə bağlı çoxlu araşdırmalara rast gələrsiniz.
Belə faktlar Amerika cəmiyyəti üçün yenilik deyil. Hərbi və kəşfiyyat sahəsində isə milyard dollarlarla ölçülən yeyintilərin hesabatı verilmir. Faktları gözdən keçirdikdə, belə qənaətə gəlmək olur ki, bu sahədə əsl özbaşınalıq hökm sürür. Hərbçilər üçün qolf meydançasının tikintisindən tutmuş, reallaşdırılmayan, kağız üzərində qalan layihələrə qədər müxtəlif adlar altında milyard dollarlarla vəsait «yeyilir» (http://inosmi.ru/overview/20121217/203453775.html; http://expert.ru/expert/2013/07/optimalnyij-podhod/).
Bütün bunlara baxmayaraq, vətəndaşın nə fikirləşdiyi veclərinə belə deyil. Büdcə saymazyana şişirdilir və talan edilir. Məsələn, keçən il Əfqanıstanda ABŞ hərbi hospitalı üçün bir qallon (təxminən 4 litr) dizel yağı 500 dollara sənədləşdirilmişdi.
Hələ 1999-cu ildə, ABŞ-ın müdafiə naziri Ramsfeld deyirdi ki, Pentaqonun büdcəsinin dörddə birinin hara xərcləndiyi bəlli deyil. Təsəvvür edin, bunu hərbi sahəyə başçılıq edən rəsmi şəxs deyir. Ötən ilin göstəricisi də «pis» deyil: ortada 8,5 milyonun hara və necə getdiyi barədə düz-əməlli sənəd yoxdur (http://www.washingtonsblog.com/2013/11/8-5-trillion-taxpayer-money-doled-congress-pentagon-since-1996-never-accounted.html).
Belə nəticəyə gəlmək olur ki, «yuxarılar»ın korrupsiyaya bulaşması «aşağılar» üçün adi haldır. ABŞ vətəndaşı da korrupsiyanın ildən-ilə çiçəklənməsinin fərqindədir. Nüfuzlu Gallup İnstitutunun apardığı araşdırmanın nəticələrinə görə, amerikalıların 80 faizindən çoxu belə hesab edir ki, ölkələrində korrupsiyanın səviyyəsi yüksələn xətlə artır. ABŞ Departamenti isə başqa ölkələrdə korrupsiyanın səviyyəsi ilə bağlı hesabat aparır.