vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
ENERGETİKA  
17:18 | 15 aprel 2015 | Çərşənbə Məqaləyə 1406 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Üç holdinq «SOCAR»dan səhm alır

2017-18-ci illərdə iki yeni zavod istifadəyə veriləcək

MÖVZU İLƏ ƏLAQƏLİ

Azərbaycanın üç aparıcı holdinqi «SOCAR-Polymer»də səhm alır. Bunu «SOCAR-Polymer» MMC-nin baş direktorun müavini Emil Eminov bildirib. E.Eminovun sözlərinə görə, «SOCAR-Polymer»in əsas səhmdarı SOCAR-dır.

«Bundan başqa, layihəyə ölkənin 3 əsas holdinqi - «PASHA Holding», «Gilan Holding» və «Azersun Holding» də cəlb olunacaq. Layihənin 40 faiz kapitalını bu şirkətlər ödəyəcək», - deyə baş direktorun müavini qeyd edib.

Qeyd edək ki, Bu gün Bakıda keçirilən Azərbaycan-İtaliya işgüzar görüşü zamanı İtaliyanın «Maire Technimont» Mühəndislik Şirkətlər Qrupu və Azərbaycanın «SOCAR-Polymer» arasında dəyəri 350 mln. avro olan Sumqayıt Polipropilen zavodunun inşası layihəsi üzrə müqavilə imzalanıb. Müqaviləyə əsasən, layihə çərçivəsində mühəndislik, təchizat, quraşdırma və tikinti işlərinin görülməsi nəzərdə tutulur.

İllik gücü 180 min ton təşkil edəcək polipropilen zavodu mövcud naftanın krekinqi nəticəsində alınan propilenin xammal kimi istifadə edilməsinə imkan verəcək. Azərbaycanın ilk propilen zavodu olacaq bu müəssisənin Sumqayıt Kimya Sənaye Parkında tikilməsi planlaşdırılır.

Polipropilen-qablaşdırma, tekstil, dəftərxana ləvazimatı, avtomobil komponentləri, elektron və elektrik texnikası və digər məqsədlər üçün istifadə olunan əsas məhsuldur.

Hazırda Azərbaycan polipropilen və yüksək sıxlıqlı polietileni xaricdən idxal edir.

«SOCAR-Polymer» layihəsinin həyata keçirilməsi bu vacib məhsulun ölkəmizdə istehsal olunmasına imkan yaradacaq.


2018-də işə düşəcək


«SOCAR-Polymer» MMC-nin baş direktorun müavini Emil Eminov bildirib ki, müqavilənin şərtlərinə görə, 2017-ci ilin sonuna polipropilen zavodu tam hazır olmalıdır. 2018-ci ilin sonuna isə polietilen zavodunun inşası başa çatacaq.

O bildirib ki, layihənin maliyyələşdirilməsində heç bir problem olmayacaq və layihə vaxtında icra olunacaq: «Layihədə istehsal olunacaq məhsulların 30 faizi yerli bazara çıxarılacaq. Qalan 70 faiz isə «SOCAR-Trading» vasitəsi ilə dünya bazarlarına ixrac olunacaq».


Ruslardan 420 milyon dollar borc alıb


Baş direktorun müavini əlavə edib ki, «SOCAR-Polymer» bu layihələrə yönəldəcəyi vəsaiti ötən ilin sonunda Rusiyanın «Qazprombank»ından alıb. Xatırladaq ki, ötən ilin dekabr ayında SOCAR «Qazprombank»dan 420 milyon dolların cəlb edilməsi ilə bağlı müqavilə imzalayıb.

«SOCAR Polymer» MMC 16 iyul 2013-cü ildə yaradılmışdır. 23 sentyabr 2013-cü ildə Sumqayıt Kimya Sənaye Parkının rezidenti statusu verilib.