Astroloq Səbuhi Rəhimli sosial şəbəkədə Kəlbəcərdə yaxınlarının qəbrini ziyarət edən zaman ermənilər tərəfindən tutulmuş Dilqəm Əsgərovun və Şahbaz Quliyevin yeni şəkillərini yayıb. Məlumata görə, ilk şəkil 1998-ci ildə Dilqəm Əsgərovun Kəlbəcərdə dalğalandırdığı Azərbaycan bayrağı ilədir.
S.Rəhimli yazıb: «Düşmən tapdağı altında olan Kəlbəcər dağlarında Azərbaycan bayrağını dalğalandırmaq hər kişiyə nəsib olmaz. Amma Dilqəm Əsgərov 1998-ci ildən bəri hər il bunu etdi - qorxmadan, çəkinmədən...»
Daha sonra o, Şahbaz Quliyevdən yazıb: «Bu da Kəlbəcərin iyul qarı. Yadımdadır, Şahbaz Quliyev qayıdanda ilk dəfə qurd düşmüş qar gördüyünü söyləyirdi».
Xatırladaq ki, Şahbaz Quliyev, Dilqəm Əsgərov və Həsən Həsənov iyulun 11-də Kəlbəcərdə girov düşüblər.
Ermənilər saxlanılan təxşləri «diversant» kimi təqdim edir (ANS).
çap et