«Deyirlər Rusiyanın adamıyam, yalançının...»
Surət Hüseynovun şübhəli «üzə çıxma»sı
MÖVZU İLƏ ƏLAQƏLİ
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
-
Baltikyanı ölkələrdə panika
“Zirzəmiləri sığınacaqlara çevirin”
-
Rusiya BMT sanksiyalarını pozub
Ukraynada Şimali Koreyaya məxsus raketin qalıqları tapılıb
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
Bu günlərdə Azərbaycanın keçmiş baş naziri, 1993-cü ilin iyun hərbi çevrilişini həyata keçirən, sonradan Heydər Əliyev hakimiyyətinə qarşı silahlı çevrilişə cəhd edən və çoxsaylı dövləti cinayətlərə görə ömürlük həbs cəzası alıb sonradan əfv olunan Surət Hüseynovun adı yenidən gündəmə gəlib. Özü də şübhəli və qalmaqallı şəkildə. Virtualaz.org xatırladır ki, uzun müddətdir ortalarda görünməyən və nə işlə məşğul olduğu bilinməyən Surət Hüseynovun adına «Facebook»da səhifə açılıb. Orada onun Türkiyədə çəkilmiş fotoları yerləşdirilib, «Milli Qəhrəman» adı ilə təqdim edilib.
Surət Hüseynovun bu cür «üzə çıxması» siyasi dairələrdə birmənalı qarşılanmayıb. Bəzi müxalif ekspertlər iddia ediblər ki, keçmiş baş nazirin fotosunun görünməsi təsadüfi deyil, bu, Rusiyanın Azərbaycana təzyiqlərinin artdığı bir vaxtda ortaya çıxıb, yəni Rusiyaya bağlı adamlardan biri kimi Surət Hüseynov da fəallaşıb.
Sosial şəbəkələrdə Surət Hüseynovun «görünməsi» də mübahisələr və polemika doğurub. Bir çox istifadəçilər köhnə əməllərini yada salaraq S.Hüseynovun ünvanına təhqirlər yağdırıblar. Eyni zamanda keçmiş baş naziri aqressiv şəkildə müdafiə edənlər də tapılıb.
Bu cür polemikaların davam etdiyi bir vaxtda Surət Hüseynov özü də «canlı şəkildə» ortaya çıxıb və müsahibələr verməyə başlayıb, o cümlədən ölkə.az saytına danışıb. Bildirib ki, hazırda Türkiyədə və «bəzi başqa ölkələrdə» biznes fəaliyyəti ilə məşğul olur.
«Başımı aşağı salıb işimlə məşğul oluram. Prinsipim belədir ki, dəymə mənə, dəyməyim sənə. Azərbaycanda heç kimlə işim yoxdur. İşim olanda gedib-gəlirəm. Heç bir təzyiqlə də üzləşmirəm. Mənim bu hakimiyyətlə heç bir problemim yoxdur. Ümumiyyətlə, mən siyasətlə məşğul olmuram. Heç fikrim də yoxdur ki, siyasətlə məşğul olum. Mənim işim sırf biznes fəaliyyətidir», - Surət Hüseynov bildirib.
Keçmiş baş nazir deyib ki, «Facebook»da onun adına açılan səhifə ilə əlaqəsi yoxdur. Həmin səhifəni onun adınan sürücüsü, yaxud köməkçisi olmuş Sinan Kaya (Azərbaycan vətəndaşıdır) yaradıb, orada fotolarını paylaşıb.
«İnanın ki, mənim Rusiya ilə də heç bir əlaqəm olmayıb. Əgər mən Rusiyanın adamıyamsa, yalançının Allah bəlasını versin. Mənim Rusiya ilə heç bir əlaqəm yoxdur. Vaxtilə mən Rusiyadan muzdlu döyüşçülər gətirib Qarabağda döyüşdürmüşəm, torpaqları azad etmişəm. Buna görə də onlara cibimdən pul vermişəm. Vaxtilə Rusiyaya məxsus hərbi hissələrdən məndən savayı heç kim silah-sursat götürməyib. Əgər götürüblərsə, o zaman iqtidarda olan AXC-Müsavatdan bir nəfər durub adını desin! Ancaq mən bunu etmişəm, üstəlik Qarabağı azad etmək üçün rusları da girov götürmüşəm. Mən bunu məhkəməmdə də demişəm. Ancaq həmin o adamlar mənə qara yaxmaq üçün deyirlər ki, guya Sürət Hüseynov Rusiyanın adamıdır, hakimiyyət çevrilişinə hazırlaşır və sairə»-Surət Hüseynov onun «Facebook»da görünməsindən sonra başlayan polemikaya münasibət bildirərkən deyib.
Məlum olur ki, həmin Sinan Kaya Surət Hüseynovun adından Azərbaycanda bir neçə KİV-lərə dövlətə qarşı çağırışların yer aldığı müraciət də göndəribmiş. S.Hüseynov həmin müraciəti hazırlamadığını deyir.
Sitat: «Məlum oldu ki, mənim adımdan bir neçə jurnalistə məktub da göndərilib. Bütün bunlardan xəbərim olmayıb. Sonra mənə deyiləndə ki, belə hallar var, mən dərhal bunu araşdırdım. Məlum oldu ki, bütün bunları mənim adımdan Türkiyədə yaşayan və əslən azərbaycanlı olan Sinan adlı bir nəfər edib. Mən Sinanı uzun müddət tanıyıram, o mənə bəzi məsələlərdə kömək edib. Bütün bunlara görə də mən ona zəng edib acıqlandım. Dedim ki, bütün bunları nə üçün yazmısan? Sinan da əsaslandırdı ki, bəzi müxalifətdə olmuş adamlar məni təhqir etdiyi üçün onlara belə cavab yazıb. Sinan da onlara mənim adımdan yazıb ki, ay əclaflar, siz kimsiniz ki, Sürət Hüseynovu təhqir edirsiniz? Mən də ona dedim ki, bir də belə şeylər yazma, o səhifəni də bağla!»
Müsahibədə Surət Hüseynov AXC-Müsavat hakimiyyətində təmsil olunanları «satqın», «şərəfsiz» adlandırıb, torpaqları ermənilərə satmaqda ittiham edib.
P.S. Keçmiş nazir bu dəfə gerçəkdən yalan danışır. Çünki Surət Hüseynovun səhifəsini onu yaradan sürücüsü deyil, VAXT.AZ olaraq biz bağlatdırmışıq. Şikayətimizdən bir müddət sonra, «Facebook»dan səhifənin bağlanması ilə bağlı rəsmi açıqlama gəldi.