Mundialda niyə yoxuq?
Çünki AFFA-nın idarəetmə üsulu kin üzərində qurulub
MÖVZU İLƏ ƏLAQƏLİ
-
La-Manşda qayıq batıb
30-50 arası miqrantın axtarışına başlanılıb
-
“Sərt qanunlar üzərində işləyirəm”
Baş naziri Sunakdan tətil qərarı verən həmkarlar ittifaqına sərt xəbərdarlığı
-
“Əminəm ki, əsəbləşəcəklər”
İngiltərədə dəmiryol işçiləri tətil edir
-
Təyyarədə bomba əndişəsi
Polşadan İngiltərəyə uçan hava gəmisi Praqada məcburi eniş edib
-
Sunak hökumətinin ilk məğlubiyyəti
Mühafizəkarlar parlamentdə bir səs itirdi
-
Yeni Baş nazir vergiləri artırır
İngiltərə iqtisadiyyatı resessiya astanasında
-
Londondan Tehrana zərbə
Husilərə İran raketləri daşıyan gəmi ələ keçirilib
-
“Əməlləri cavabsız qalmayacaq”
Xameneyi İngiltərəni hədələdi
-
İngiltərə və Belçikaya niyə qrup liderliyi sərf etmir?
Ekspertlər və mətbuat bir səslə komandalarını ikinci yeri tutmağa çağırır
-
“G” qrupunda qol yağışı
Panama millisi dünya çempionatının qrup mərhələsi tarixində ilk qolunu vurdu
-
“Cavabı tapan Cabirdir”
Mətbuat katibi Dünya Çempionatı ilə bağlı müsabiqədə qalib oldu
-
DÇ-2018-dəki azərbaycanlı - Kərim Ənsarifərd
İran millisindəki tanımadığımız soydaşımız kimdir?
-
Mundial darmadığnla başladı
DÇ-2018-in ilk oyununda Rusiya Səudiyyə Ərəbistanının qapısından 5 cavabsız qol keçirdi
-
Rusiyada “Şaşlık” yasağı
Dünya çempionatının keçiriləcəyi şəhərlərdə kabab bişirməyə qadağa qoyuldu
-
DÇ-2018-in püşkü atıldı
Başlanmasına 200 gün qalan mundialın təqvimi də məlum oldu
-
O səbətdə olmamaq qüssəsi
Moskvada DÇ-nın püşkatma həyəcanı başlayır
Dünya çempionatının açılışı üçün Moskvaya səfər edib orada fərqli millətlərdən olan onminlərlə azarkeşin içinə düşəndə istər-istəməz gözüm bizim azarkeşi və bayrağı axtardı. Amma nə Rusiya paytaxtının küçələrində, nə də “Lujniki”də onlara rast gələ bildim. Səbəb hamıya məlumdur, təbii ki.
Biz bu nəhəng futbol bayramından kənarda qalmışıq və yaxın gələcəkdə də mundialda olacağımızı nikbinliklə düşünməyə tutarlı bir əsas tapmaq çətindir. Təkcə ona görə yox ki, ölkədə normal futbolçu qıtlığı var. Həm də ona görə ki, bu qıtlığın yaranmasında məşqçi faktoru da rol oynayır. Ən yaxın keçmişə, Qurban Qurbanovla başlayan son 10 illik mərhələyə baxanda ölkədə savadlanmağa, peşəkarlaşmağa, çağdaş futbolun tələbləri ilə ayaqlaşmağa ciddi cəhd göstərən məşqçilərin sayının yetərincə az olduğunu görürük. Amma sıraları məhdud olsa belə, onlar var. Bəs hardadırlar?
Dünya və Avropa çempionatlarının final mərhələlərində niyə indiyədək oynamamağımızın səbəblərindən biri həm də bu sualın arxasında gizlənir.
Mətləbə keçək. Samir Abasovu hamınız tanıyırsınız. 2015-ci ilin sonlarında “Sumqayıt”ın baş məşqçisi təyin edildi, sonra Azərbaycan səviyyəsində yaxşı bir komanda yaratdı. Özü də sırf azərbaycanlı futbolçulardan ibarət, məhdud büdcə ilə. Bu o dövr idi ki, “pulyeyən maşın” ölkənin ən köklü klubu “Neftçi”nin başına istədiyi oyunu açırdı. Amma Samir “Sumqayıt”ın timsalında futbol oynamağı bacaran komanda yaradırdı. Həm komanda yaradır, həm də özünü gələcəyin yaxşı məşqçisi kimi yetişdirirdi. Belə bir vaxtda azarkeşlərin və medianın ona dəstəyi də təsadüfi deyildi. Məlum, bizim futbolda iş görən adama elə daha çox fanatlar və jurnalistlər dəstək verir. Dəstəyi birinci verməli olanlarsa daha çox ayaqaltı qazıb, ziyan vurmaqla məşğul olurlar. Belə olanda isə “Sumqayıt” üçün indiyədək heç bir məşqçinin etmədiyini edən Samir Abasova layiq olmadığı halda klubdan könüllü ayrılmasına şərait yaradılır və o qalır işsiz. Və bu dəqiqə Premyer Liqada bir komandanı çalışdırmaq əvəzinə, gedib oturub doğma kəndində məcburi istirahətlə məşğul olur. Bizsə evimizdə, restoranlarda, ucuz və bahalı PUB-larda mundiala baxa-baxa “niyə orda yoxuq?” deyib nisgilli-nisgili danışırıq.
Amma orda olmamağımız təbiidir. İstedadına, istedadlarına sahib çıxmayan ölkənin futbolu elə yarışlara düşmür, düşə də bilməz. Bunu hamı bilir, əlbəttə. Bir tək futbolumuzu idarə edənlərdən başqa. Onlarda idarəetmə üsulu, deyəsən, həm də kin üzərində qurulub (bu yerdə Samir Abasovun “Sumqayıt”da işləyərkən özünün sabiq, “Neftçi”nin indiki prezidentinə tikanlı, federasiyaya isə üstüörtülü atmacaları yada düşür). Yoxsa normal futbol ölkəsində istedadı, potensialı, ən əsası yaxşı komanda qurmaq bacarığını gerçək işi ilə ortaya qoyan adam işsiz qalmır, qalmamalıdır.
Nəhayət...
Hər nə qədər şablon səslənsə də, millinin baş məşqçisi Qurban Qurbanov təkbaşına möcüzə yarada bilməz. Ona ağlı yerində olan, futbol beyni iki dəqiqədən bir error verməyən məşqçilərimiz kömək etməlidir. Öz sahəsindəki, klublarındakı işi ilə. Amma ən birinci kömək, dəstək AFFA rəhbərliyindən gəlməlidir. O dəstək də necə olur, özünüz bilirsiniz. Həm də kiməsə mane olmamaq, kimisə işsiz qoymamaqla.