“Qəbuledilməz və məsuliyyətsiz bəyanat”
Rusiya rəsmiləri teleşou havasına girmiş deputatı məzəmmət ediblər
MÖVZU İLƏ ƏLAQƏLİ
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
-
Baltikyanı ölkələrdə panika
“Zirzəmiləri sığınacaqlara çevirin”
-
Rusiya BMT sanksiyalarını pozub
Ukraynada Şimali Koreyaya məxsus raketin qalıqları tapılıb
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
Rusiya Dövlət Dumasının deputatı Mixail Delyaginin Azərbaycanın ünvanına dedikləri Moskvanın rəsmi mövqeyini əks etdirmir və qəbuledilməzdir.
Bunu martın 29-da keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bildirib. O deyib ki, Rusiya Federasiyası Prezidentinin mətbuat katibi Dmitri Peskov artıq Delyaginin bəyanatlarını şəkildə şərh edib və biz də bu qiymətləndirmə ilə razıyıq. “Öz adımdan əlavə edə bilərəm ki, bu cür bəyanatları tamamilə qəbuledilməz və məsuliyyətsiz hesab edirik. Bu bəyanatlar heç bir halda Rusiya rəhbərliyinin Bakı ilə müttəfiqlik əlaqələri və strateji tərəfdaşlıq münasibətlərinin qurulmasına yönələn rəsmi mövqeyini əks etdirmir. Biz əminik ki, Dövlət Dumasının rəhbərliyi də bu cür təxribatçı bəyanatlara müvafiq qiymət verəcək”, – deyə M.Zaxarova vurğulayıb.
Qeyd edək ki, Rusiya Dövlət Dumasının İqtisadi siyasət komitəsinin sədr müavini Mixail Delyagin martın 28-də dövlət televiziyasında (“Rossiya 1” kanalı) çıxışı zamanı Azərbaycanı Qarabağda sülhü pozmaqda ittiham edərək, Azərbaycan Müdafiə Nazirliyinin Rusiya Müdafiə Nazirliyinə verdiyi rəsmi cavabları təhlükə adlandırıb, ölkəmizə qarşı hədələyici ifadələr işlədib.
Rusiya Prezidentinin mətbuat katibi Dmitri Peskov Dövlət Dumasının deputatı Mixail Delyagini öz şəxsi emosiyalarını cilovlamağa və Azərbaycanın ünvanına qeyri-dost ifadələrlə çıxış etməməyə çağırıb.
“Bu bəyanat şəxsi emosiyaların coşub-daşdığı müstəvidə yerləşir. Biz bu emosiyalara nəzarət etməyə və xüsusən də bizim tərəfdaşlarımıza münasibətdə belə bəyanatlardan çəkinməyə səsləmək istərdik”, - deyə D.Peskov vurğulayıb.
Moskva rəsmilərinin məzəmmət çıxışlarından sonra Mixail Delyagin martın 29-da üzrxahlıq videosu yayıb. O bildirib ki, işlətdiyi ifadələrə görə azərbaycanlılar və digər millətlərin nümayəndələrindən səmimi qəlbdən üzr istəyir. Qeyd edib ki, onun bu cür çıxış etməsinə sözügedən verilişin formatı təsir edib, başqa sözlə, teleefirdə siyasi tok-şou havasına girib...
Qeyd edək ki, ölkəmizin Rusiyadakı səfiri Polad Bülbüloğlu da “Rossiya 1” kanalının daxil olduğu Ümumrusiya Dövlət Teleradio Verilişləri Şirkətinin rəhbərliyinə Azərbaycan ictimaiyyətinin ciddi narazılığını çatdırıb və belə halların qəbuledilməz olduğunu vurğulayıb. Bu barədə Azərbaycanın Rusiyadakı Səfirliyinin yaydığı bəyanatda bildirilir.