Pekin öz qrupunu formalaşdırır
Çin Rusiyanın siyasətini təkrarlayıb
“Atlas” Araşdırmalar Mərkəzi
MÖVZU İLƏ ƏLAQƏLİ
-
“Çərpələng kimi zirvədə”
Tramp Baydenin televiziya debatlarından əvvəl narkotik testindən keçməsini istəyir
-
Rusiyanın şah damarına zərbə
Heç kimə qulaq asmayan Ukrayna Novorossiysk limanını vurub
-
Rusiya torpaqlarına ABŞ raketləri
Ukrayna Bayden administrasiyasından kəşfiyyat məlumatları və silahlardan istifadə izni istəyib
-
“Aşağı orbitdəkilər məhv ola bilər”
“Rusiya nüvə silahının sınaqdan keçirilməsi üçün kosmosa peyk göndərdi”
-
Kopperfildə qarşı cinayət işi
Məşhur illüziyaçı 16 qadına təcavüz etməkdə ittiham olunur
-
Diplomatik kriz
“Deportasiyalar İki ölkə münasibətlərinə düzəldilməz ziyan vuracaq”
-
Vyetnam müharibəsi taktikası
“Pilotlar çox təhlükəli missiyalara göndərilir”
-
“Öz ərazilərini vururlar”
Hədəfdən böyük ölçüdə yayınmalar bombalanmanın uğrursuzluğunu göstərir
-
“Hücum şimaldan olacaq”
“III Dünya müharibəsinə 4 milyondan çox hərbçi qatılacaq!”
-
500 min əsgərlə hücum
Ukrayna yarım milyonluq gücü 40 min nəfərlik ordu və PUA-larla qarşılayacaq
-
Faciəvi mənzərə
Ekologiya bəhanədir, məqsəd maraqlar və biznesdir
-
ABŞ-dan Çinə növbəti həmlə
Vergi və rüsumlar 2-3 dəfə artırıldı
-
“İqtisadiyyatlar ksenofobiya səbəbindən durğunlaşır”
Bayden deyir ki, Hindistan, Yaponiya, Çin və Rusiya immiqrantları istəmir
-
Oğurluqda günahlandırılır
Süni intellektə qarşı müəllif hüquqları iddiası qaldırılıb
-
6.5 milyard dollarlıq vəd
“Johnson & Johnson” anlaşma təklif edir
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
ABŞ prezidenti Co Baydenin son Asiya turnesi – Cənubi Koreyaya və Yaponiyaya səfəri 3 mövzu ətrafında fokuslaşmışdı: Rusiyanın Ukraynada apardığı işğalçı müharibəyə qarşı bölgə ölkələrinin birliyini möhkəmləndirmək, Şimali Koreyanın nüvə hədəsinin qarşının alınmasını təmin etmək və Çinin bölgədə artan hərbi gücünü cilovlamaq, o cümlədən Tayvan adasının Pekinin nəzarətinə keçməsini önləmək. Baydenin Tokioda keçirdiyi dördlü sammit (ABŞ, Yaponiya, Hindistan və Avstraliya) də Çinin bölgədə artan hərbi gücünün neytrallaşdırılması yollarının müzakirəsinə həsr olunmuşdu.
Aydındır ki, hadisələrin bu istiqamətdə gedişatı Pekini narahat etməyə bilməz. Çin lideri Si Cinpin Asiya və Sakit okean bölgəsi ölkələrinə müraciət edərək bu dövlətlərin bölgədəki sülhə məsuliyyət daşıdıqlarını bildirib. Si Cinpin yazılı müraciətini ölkəsi də daxil olmaqla bölgənin ada ölkələrinin xarici işlər nazirlərinin ikinci zirvə görüşünə göndərib. “Bölgədə sülhüm təmin olunması ümumi vəzifəmizdir” deyən Çin lideri ölkəsinin əsas strateji hədəflərindən birinin Asiya və Sakit okean ölkələri ilə tərəfdaşlığı genişləndirmək olduğunu və bunun qarşılıqlı hörmətə dayandığını ifadə edib. Si Cinpin deyib ki, Çin bərabırhüquqlu tərəfdaşlıq ideyasını müdafiə edərkən ölkələrin böyüklüyünü və kiçikliyini əsas götürmür: “Çin ada dövlətlərinin əsas dostudur”.
Beləliklə, Pekin ABŞ-Yaponiya-Hindistan-Avstraliya formatına qarşı özünün tərəfdaş qrupunu formalaşdırmaq istəyir. Pekinin ümidi kiçik ada dövlətlərinədir. Məhz buna görə Si Cinpin məktubunda “kiçik ada dövlətləri” terminini işlədib. Çünki Asiya və Sakit okean bögləsinin böyük dövlətləri Çinlə münasibətlərdə ehtiyatlı mövqe nümayiş etdirirlər. Böyük dövlətlərdən fərqli olaraq bölgənin kiçik ada dövlətlərinin yatırımlara ehtiyacları var. Həmin yatırımları isə Çin təklif edib. Ancaq Pekin yatırımla yanaşı kiçik ada dövlətlərinə hərbi əməkdaşlıq da təklif edib, bunun ardınca isə həmin dövlətlərdə Çinin hərbi bazalarının yaradılması mövzusu aktuallaşıb. Bölgənin böyük dövlətlərini qorxudan da budur.
Pekin Avropa istiqamətində də fəallığı azaltmayıb. Çin lideri fransalı həmkarı Emmanuel Makronla son telefon söhbəti zamanı Avropanı öz təhlükəsizliyinə cavabdeh olması gərəkliyini bildirib. Pekin bununla Kremlin siyasətini təkrarlayıb. Rusiya prezidenti Vladimir Putin o fikirdədir ki, Avropa ABŞ-ın nəzarəti altındadır və Vaşinqtonun təlimatlaryıla hərəkət edir. Si Cinpin Putinin dediyini təkrarlayıb.